قه‌سیده‌یه‌ک... قوبادی جەلیزادە

 

له‌ کۆمه‌ڵه‌ شیعره‌ زندانییه‌که‌مه‌وه

 

ژنێک له‌ بن دووشی حه‌مامدا

قوبادی جه‌لیزاده‌

به‌شی یه‌که‌م

1

که‌ رووت ده‌بیته‌وه‌ ، به‌للوعه‌ ئاوی ده‌هێته‌وه‌

ئاو ، ئاو ده‌ڕێژێت

2

ئاو ، جل و به‌رگی فڕێ دا

سه‌رتاپا ، رووتیی تۆی پۆشی

3

ئاو ، پێک پێک ، له‌ جوانیت ده‌خواته‌وه‌

خه‌یاڵی رژاوه‌ته‌ به‌ر پێت

4

ئاو پڕ بووه‌ له‌ نووری جه‌سته‌ت

دووش ، بارانی کریستاله‌

5

به‌سه‌ر ئاوێنه‌ی شانته‌وه‌

دلۆپ دلۆپی ئاو

مشتێک ، مرواری رژاون

6

له‌ناو هه‌موو دڵۆپه‌ ئاوێکی سه‌ر سینگت

په‌لکه‌ زێرینه‌یه‌ک

7

به‌ چیمه‌نی داوێنته‌وه‌

رێژنه‌یه‌ک ، شه‌ونم

8

تنۆکه‌ ئاوه‌ خزیوه‌کان .

له‌ کانیله‌یه‌کی خنجیلانه‌ی گه‌رمدا

تێکه‌ڵ ده‌بن

9

گۆی مه‌مکت ، دوو مۆریله‌ی داگیرساون

حه‌مام لێوڕێژه‌ له‌ ورووژان

هه‌ڵم خۆی نووساندوه‌ به‌ سمتی په‌نجه‌ره‌وه‌

10

که‌ جه‌سته‌ی په‌مه‌ییت . له‌ناو که‌فی چڕدا ون ده‌بێت

فرمێسکه‌کانی بن میچ

خۆ هه‌ڵده‌دێرن

 

 

له‌ چاوه‌ی کامێڕاوه