که‌سێک ده‌يگوت... سمکۆ ئه‌حمه‌د ره‌شيد

 

 

خودايه‌ دوعاکانم گيرا بکه‌يت و

من به‌ريته‌وه‌ بۆ خۆم

 

خودايه‌ شه‌رعييه‌تی ئه‌وينداری

ببه‌خشيت به‌ من و

شه‌رعييه‌تی شۆڕشگێڕيش

به‌وانيدی

 

خودایه‌

کاره‌بای گه‌ڕه‌که‌ هه‌ژار نشينه‌کان ببڕيت و

ماڵه‌کانيان پڕ بکه‌يت

له‌ رۆشنایی نان

 

خودايه‌

گه‌ر مردنت نارده‌

ماڵه‌که‌م

با دوای نان خواردن

بێت

به‌ برسێتی تاقه‌تی

مردنم نييه‌

 

به کۆڵانێکی هه‌ژار

نيشندا تێپه‌ڕيم‌

گوێم له مناڵێک بوو

ده‌يگوت‌

خودايه‌

دڵی فه‌رهه‌نگه‌کانمان

بۆ نه‌رم بکه‌

با مانايێک بۆ ژيان

بدۆزينه‌وه‌

 

 

له‌ چاوه‌ی کامێڕاوه