خوانی نیشتمان... خالید ئەحمەد

 

 

بیست ساڵ باغەم بێگوڵ کرا کوا ئەو سوێندەی بەخاکدرا

بڕیار وابوو شورا نەکرێت شار‌و لادێ‌ و دەشت‌ و دەریا

پێان گووتین پشوو نادەین! تاکوو سروشت ئازاد نەکرێ!

بەس لەسایەی خێڵ بونەوە وا ئەمجارەش ڕەز دەسوتێ

ئێستا دووژمن ناوت دەبات بە کوردستانیی بێ ووڵات

تێدەکۆشێت جوانی نەبێ باکور،باشور،گشت ڕۆژهەڵات

گوێ بگرە لێم ئەی بت پەرست واز لە کانیی‌و ئاوم بێنە

سەرچاوەی خۆشیی ژیانمانە بانە و مەرادین‌ و تەوێڵە

لەسەر خوانی کام بەشە بین ئێمە سوێندمان نیشتیمانە

دەست بەرداری قەدیل نابین جێگای باب‌ و باپیرمانە

ڕۆژێک ویژدان پرسیار دەکات کوا ئەو باغەی بێ گوڵکرا

ئێمەش ئەڵێین کوردستانە چەند جار سوتاو و ئەنفال کرا

٢٤/٥/٢٠١٢ خالید ئەحمد

له‌ چاوه‌ی کامێڕاوه