هەڵوێستی حکومەتی هەرێم بەرانبەر تۆپبارانەکانی ڕابردوو لاواز بووە

ماڵپەری قەڵادزێ:

بە پێ ڕاپۆرتێک، کە ڕێکخراوی پۆینت بۆ راپرسی و لێكۆڵینه‌وه‌ ستراتیژییه‌كان، بڵاوی کردووەتەوە، ئاماژە بەوە دەکات، کە ڕێژەی 65.6% بەشداربووان هەڵوێستی حکومەتی هەرێمیان بەلاواز داناوە بەرانبەر تۆپبارانەکانی ئێران و تورکیا بۆسەر هەرێمی کوردستان، هەروەها چەندین پرسی دیکەشی وروژاندووە سەبارەت بە بواری ڕۆڵی حکومەتی عێراق لە بەرانبەر تۆپبارانەکان و بازرگانی و هتد. ئەمەش دەقی ڕاپۆرتەکەیە:

"رێكخراوی پۆینت بۆ راپرسی و لێكۆڵینه‌وه‌ ستراتیژییه‌كان

بوردومانی ئێرانی – توركی بۆ سنووره‌كانی كوردستان.. كردار وكاردانه‌وه‌

(راپرسی)

(desember – 2011)

 

پێشه‌كی:

كۆماری ئیسلامی ئێران و كۆماری توركیا دوو وڵاتن له‌ شه‌ش وڵات كه‌ له‌ ده‌ورووبه‌ری عیراقن، هه‌رگیزیش ئه‌و دوو وڵاته‌ په‌نایه‌كی (ئارام)ی پێشمه‌رگه‌ و ته‌واوی پارته‌ ئۆپۆزۆسیۆنه‌ عیراقییه‌كان بوو له‌سه‌ر ده‌می حوكمڕانی رژێمی به‌عسییه‌كان دا.

سه‌ره‌ڕای په‌یوه‌ندییه‌ پته‌وه‌كانی نێوان حكوومه‌ته‌كانی ئێران و توركیا له‌گه‌ڵ حكوومه‌تی عیراق پاش ئه‌و گوڕانكارییانه‌ی دوای ساڵی (2003) له‌ عیراق هاتنه‌كایه‌وه‌، كه‌چی له‌ مانگی (یۆلیۆ)ی ئه‌م ساڵ و تا ئه‌مڕۆش هێزه‌كانی ئه‌و دوو وڵاته‌ به‌ تۆپ و فڕۆكه‌ سنووره‌كانی كوردستان بۆردوومان ده‌كه‌ن به‌ بیانووی راونانی چه‌كداره‌كانی هه‌ردوو پارتی (PKK) و (PJK) كه‌ دوو پارتی ئۆپۆزۆسیۆنن و دژی رژێمه‌كانی ئه‌و دوو وڵاته‌ دجه‌نگن.

ئه‌و بۆردوومانه‌ كه‌ ده‌كرێت بڵێین رۆژانه‌ بووه‌؛ هه‌ستێكی ناره‌زایی میللی و سیاسی له‌ سه‌رانسه‌ری عیراق دروست كردووه‌، به‌ هۆی ئه‌و هه‌موو زیانه‌ گیانی و ماددی و ده‌ربه‌ده‌رییه‌ی لێده‌كه‌وێته‌وه‌؛ به‌ تایبه‌تی بۆ خه‌ڵكی ئه‌و گوند و شارۆچكه‌كانی ده‌كونه‌ سه‌ر سنووری هاوبه‌شی نێوان كوردستان و ئه‌و دوو وڵاته‌.

له‌ چه‌ندین پارێزگای عیراق كۆمه‌ڵێك خۆپێشاندان ساز كران بۆ پڕۆتستۆ كردنی ئه‌و بۆردوومانه‌ و داوایان كرد رابگیرێت و داوایان له‌ حكوومه‌تی عیراق كرد كه‌ به‌ ئه‌ركی خۆی هه‌ستیت له‌ بواری پاراستنی وڵات به‌ رێگای سیاسی و دیبلۆماسیی؛ بگره‌ هندێك كه‌س داوای ئه‌وه‌یان كرد كه‌ حكوومه‌تی عیراق هێزی له‌شكریی بجوڵێنیت بۆ پاراستنی سنووره‌كانی عیراق له‌گه‌لچ ئه‌و دوو وڵاته‌.

تێكرای شه‌قامی كوردستان تا ئێستاش داوای راگرتنی ئه‌و بۆردوومانه‌ ده‌كات، دیسان ئه‌م شه‌قامه‌ سه‌رسامه‌ به‌رامبه‌ر (لاوازیی) هه‌ڵوێستی فه‌رمی به‌رامبه‌ر تێكشاندنی سه‌روه‌ریی عیراق له‌ لایه‌ن ئه‌و دوو وڵاته‌وه‌، هه‌روه‌ها ئه‌م شه‌قامه‌ زۆر بێزاره‌ به‌رامبه‌ر به‌رده‌وامبوونی ئه‌و بۆردوومانه‌ و بێ‌ ده‌نگیی حكوومه‌ت كه‌ هیچ جۆڵه‌یه‌كی ئه‌وه‌تۆی نه‌بووه‌ له‌بواری دیبلۆماسیی یان هه‌ر رێگایه‌كی دیكه‌وه‌ وه‌كو بڕینی په‌یوه‌ندییه‌كانی خۆی له‌گه‌ڵ ئه‌و دوو وڵاته‌.

هندێك سه‌رچاوه‌ پێیان وایه‌ كه‌ ئه‌و سه‌دان كۆمپانیای ئێرانی و توركیی ئه‌وانه‌ی له‌ عیراق و كوردستان كار ده‌كه‌ن؛ رۆڵێكی (پیس) ده‌گێڕن و به‌شێوه‌یه‌ك له‌ شێوه‌كان هه‌ردوو حكوومه‌تی عیراق و كوردستان ناچار ده‌كه‌ن هه‌ڵوێست دژ به‌و بۆردوومانه‌ وه‌رنه‌گرن!! هه‌ر ئه‌وه‌ش بو وای كرد كه‌ كۆمه‌ڵێك ده‌زگای میللی و رۆشنبیری داوا له‌ هه‌ردوو حكوومه‌تی عیراق و كوردستان بكه‌ن كه‌ هه‌نگاوی رژد بنێن به‌ تایبه‌تی له‌ بواری ئابووری دژ به‌و دوو وڵاته‌ كه‌ پێیان وایه‌ ئه‌و هه‌نگاوانه‌ كاریگه‌ری خۆیان ده‌بیت و دوور نییه‌ ناچاریان بكه‌ن ئه‌و بۆردوومانه‌ راگرن و په‌نا ببه‌نه‌ چاره‌سه‌ریی ئاشتیانه‌.

سه‌ره‌ڕای هه‌ڵوێستی فه‌رمیی له‌ كوردستان یان له‌ عیراقیش به‌ شێوه‌یه‌كی گشتی كه‌ جێگای سه‌رسوورمانه‌ به‌ هۆی (لاوازییه‌كه‌ی) بگره‌ هندێك له‌ سیاسه‌تمه‌داران پێیان وابوو كه‌ هه‌ڵوێستی فه‌رمیی هه‌ڵوێستێكی شه‌رمن و ئاڵوزه‌!! حكوومه‌تی عیراق و له‌سه‌ر زاری وه‌زیری ده‌ره‌وه‌ی عیراق (هۆشیار زێباری) بێزاریی خۆی به‌رامبه‌ر به‌رده‌وامبوونی ئه‌م بۆردوومانه‌ ئاشكه‌را كرد، كاتێك گوتی: "حكوومه‌تی عیراق هه‌موو ده‌ست درێژییه‌ك كه‌ له‌ لایه‌ن وڵاتانی ده‌ورووبه‌ر ده‌كرێته‌ سه‌ر عیراق پڕۆتستۆ ده‌كات و ئێمه‌ ده‌نگی خۆمان به‌رز ده‌كه‌ین به‌رامبه‌ر ئه‌م ده‌ست درێژیی كردنه‌ و پێمان وایه‌ ئه‌مه‌ چاره‌سه‌ر نییه‌".

له‌ كوردستانیش سه‌رۆكاتیی هه‌رێم و په‌ڕله‌مان و حكوومه‌تی كوردستان هه‌ڵوێستییان هه‌بوو به‌رامبه‌ر ئه‌م بۆردوومانه‌ دا، به‌ڵام به‌ شێوه‌یه‌كی گشتی له‌ ئاست هیوای شه‌قامی كوردستان نه‌بوون، ئه‌و شه‌قامه‌ی تا ئه‌مڕۆش هه‌ست به‌ بێزاری ده‌كات به‌رامبه‌ر به‌رده‌وامبوونی ئه‌م ده‌ست درێژییه‌ بۆ سه‌ر سه‌روه‌ری وڵات و بۆ سه‌ر هاوڵاتییانی سڤیل به‌ بیانووی راونانی چه‌كداره‌كان.

له‌سه‌ر ئاستی نێوده‌وڵه‌تیش ئه‌مریكا پێی وابوو كه‌ ئه‌و بۆردوومانه‌ كه‌ له‌ لایه‌ن توركیاوه‌ ده‌كرێت (به‌رگری كردنێكه‌ له‌ خۆی ده‌كات!!) به‌رامبه‌ر هێره‌شه‌كانی پارتی كرێكارانی كوردستان (PKK) كه‌چی رێكخراوی (HRW) كه‌ تایبه‌ته‌ به‌ مافی مرۆڤ ئاشكه‌رای كرد كه‌ هێرشه‌كانی ئێران و توركیا بۆ سه‌ر كوردستان بوون به‌ هۆی كوشتنی ده‌یان هاوڵاتیی سڤیل، هه‌روه‌ها بوون به‌ هۆی ئاواره‌ بوونی سه‌دان خێزان، هه‌روه‌ها ره‌خنه‌یه‌كی توند ئاراسته‌ی ئه‌و دوو وڵاته‌ی كرد كه‌ شتێكی وایان نه‌ كردووه‌ بۆ مسۆگه‌ر كردنی (كه‌م كردنه‌وه‌ی زیان به‌رامبه‌ر به‌ خه‌ڵكی سڤیل) دیسان داوی له‌ هه‌ردوویانی كرد كه‌ رێز له‌ یاسای نێو ده‌وڵه‌تی بگرن.

له‌ لایه‌كی دیكه‌وه‌ ئێران و توركیا ده‌ڵێن كه‌ ئۆپه‌ڕاسیۆنه‌ له‌شكه‌رییه‌كانی ئه‌وان كه‌ به‌ تۆپ و فڕۆكه‌وه‌ش ئه‌نجام ده‌ده‌ن دژی چه‌كدارانی ئه‌و دوو پارته‌ كه‌ له‌سه‌ر سنووره‌كانی باكور و رۆژ هه‌ڵاتی عیراق چاڵاكی ده‌نوێنن ئاراسته‌ كراون، كه‌چی كوندنشینه‌كانی ده‌ڤه‌ره‌ سنوورییه‌كان ده‌ڵێن كه‌ ئه‌و بۆردوومانه‌ی ده‌كرێته‌ سه‌ر ده‌ڤه‌ره‌كه‌ ته‌نها زیان به‌ ژیان و گیان و خانووه‌كانی ئه‌وان ده‌گه‌ینیت.

له‌م راپرسییه‌ دا كه‌ هه‌وڵمان داوه‌ به‌ بێ لایه‌نی و به‌ شێوه‌یه‌كی زانستی ئه‌نجام بده‌ین، كه‌ (1000) هه‌زار كه‌س له‌ هه‌موو ته‌مه‌نێك و چین و ئاین و مه‌زهه‌ب و نه‌ته‌وه‌یه‌ك (كورد، توركمان، كلدوئاشوری، عه‌ره‌ب و ئه‌وانی دیكه‌) و له‌ هه‌ردوو ره‌گه‌ز له‌ هه‌ر (5) پارێزگاكانی (هه‌ولێر، سلێمانی، كه‌ركووك، دهۆك و مووسل) به‌شدارییان تێدا كردووه‌، هه‌وڵمان داوه‌ رای شه‌قامی كوردستان له‌ مه‌ڕ بۆردوومانی ئێران و توركیا بۆ ده‌ڤه‌ره‌ سنوورییه‌كان و هه‌روه‌ها رای ئه‌م شه‌قامه‌ به‌رامبه‌ر به‌ هه‌ڵوێستی فه‌رمیی عیراقیی و كوردستانیی بخوێنین، وه‌كوو هه‌وڵێكی رژد له‌ لایه‌ن ئێمه‌وه‌ بۆ تێگه‌یشتنی ئه‌م رایه‌ و ئه‌و ئه‌گه‌رانه‌ی له‌ پشته‌وه‌ی ده‌وستن.

 

ئه‌نجامه‌كان:

01- ئایا بۆردوومان كردنی سنووره‌كانی كوردستان له‌ لایه‌ن ئێران و توركیاوه‌ پڕۆتستۆ ده‌كه‌ی؟

به‌ڵێ‌: 97.7%

نه‌خێر: 01.2%

نازانم : 01.1%

 

02- ئایا بۆردوومان كردنی سنووره‌كانی كوردستان له‌ لایه‌ن ئێران و توركیاوه‌ سه‌رپێچی كردنه‌ بۆ سه‌ره‌وه‌ری عیراق؟

به‌ڵێ‌: 91.3%

نه‌خێر: 01.8%

نازانم : 06.9%

 

03- ئایا هه‌ڵوێستی فه‌رمیی عیراق به‌رامبه‌ر بۆردوومان كردنی سنووره‌كانی كوردستان له‌ لایه‌ن ئێران و توركیاوه‌ هه‌ڵوێستێكی لاوازه‌؟

به‌ڵێ‌: 92.4%

نه‌خێر: 02.5%

نازانم : 05.1%

 

04- ئایا هه‌ڵوێستی فه‌رمیی كوردستان به‌رامبه‌ر بۆردوومان كردنی سنووره‌كانی كوردستان له‌ لایه‌ن ئێران و توركیاوه‌ هه‌ڵوێستێكی لاوازه‌؟

به‌ڵێ‌: 65.6%

نه‌خێر: 27.3%

نازانم : 06.1%

 

05- ئایا پاڵپشتی له‌ بیرۆكه‌ی ده‌ركردنی كۆمپانیا ئێرانی و توركییه‌كان ده‌كه‌ی وه‌كو ولامێك بۆ بۆردوومان كردنی سنووره‌كانی كوردستان له‌ لایه‌ن ئێران و توركیاوه‌؟

به‌ڵێ‌: 33.4%

نه‌خێر: 58.7%

نازانم : 07.9%

 

06- ئایا ده‌ركردنی كۆمپانیا ئێرانی و توركییه‌كان كاریگه‌ریی خۆی لسه‌ر هه‌ردوو وڵات ده‌بیت و ناچاریان ده‌كات بۆردوومانی خۆیان بۆ سنووره‌كانی كوردستان راگرن؟

به‌ڵێ‌: 31.7%

نه‌خێر: 62.2%

نازانم : 06.1%

 

07- ئایا پێویسته‌ (PKK) و (PJK) ئۆپه‌ڕاسیۆنه‌ له‌شكرییه‌كانی خۆیان راگرن و رێی دیالۆگ بگرنه‌به‌ر بۆ پاراستنی خه‌ڵكی سڤیل له‌و بۆردوومانه‌ی له‌ لایه‌ن ئێران و توركییاوه‌ ده‌كرێت؟

به‌ڵێ‌: 45.3%

نه‌خێر: 42.4%

نازانم : 12.3%

 

08- ئه‌گه‌ر هات و (PKK) و (PJK) ئۆپه‌ڕاسیۆنه‌ له‌شكرییه‌كانی خۆیان راگرت و رێی دیالۆگیان گرته‌به‌ر؛ ئایا ئێران و توركیا بۆردوومانی خۆیان بۆ سنووره‌كانی كوردستان راده‌گرن؟

به‌ڵێ‌: 42.4%

نه‌خێر: 49.7%

نازانم : 07.9%

 

09- ئایا به‌رده‌وامبوونی بۆردوومانی كردنی ئێران و توركیا بۆ سنووره‌كانی كوردستان كاریگه‌ریی نه‌گێتیڤی هه‌یه‌ بۆ سه‌ر هێز و جه‌ماوه‌ری هه‌ردوو پارتی (PKK) و (PJK)؟

به‌ڵێ‌: 35.3%

نه‌خێر: 46.8%

نازانم : 17.9%

 

10- ئایا سه‌رۆك مه‌سعوود بارزانی ده‌توانیت خاوه‌ن روڵێكی كاریگه‌ر بیت له‌بواری رێ‌ خۆش كردن دا بۆ كردنه‌وه‌ی ده‌رگای گفتوگۆ و دیالۆگ له‌نێوان لایه‌نه‌ هاودژكان دا له‌ پێناوی پاراستنی هه‌موو لایه‌ك له‌ مه‌ینه‌ته‌كانی شه‌ر و جه‌نگ و بۆردوومان؟

به‌ڵێ‌: 73.3%

نه‌خێر: 24.8%

نازانم : 01.9%

 

پوختە:

ئه‌م راپرسییه‌ ئه‌وه‌ی ئاشكه‌را كرد كه‌ شه‌قامی كوردستان زۆر بێزاره‌ به‌رامبه‌ر ئه‌و بۆردوومانه‌ی ئێران و توركیا بۆ سنووره‌كانی كوردستان، بۆیه‌ش (97.7%)ی به‌شداربووانی ئه‌م راپرسییه‌ ئه‌و بۆردوومانه‌یان پڕۆتستۆ كرد، ئه‌مه‌ش نیشانه‌ی ئه‌وه‌یه‌ كه‌ بێزارییه‌یه‌كی گه‌وره‌ له‌ نێو كوردستان دا هه‌یه‌ به‌رامبه‌ر به‌رده‌وامبوونی ئه‌م بۆردوومانه‌ كه‌ به‌پێی زۆرێك ئه‌مه‌ له‌كه‌داردانێكی گه‌وره‌یه‌ بۆ سه‌روه‌ریی عیراق، بۆیه‌ش (91.3%)ی به‌شداربووانی ئه‌م راپرسییه‌ پێیان وابوو كه‌ ئه‌م بۆردوومانه‌ له‌كه‌داردانێكی گه‌وره‌یه‌ بۆ سه‌روه‌ریی عیراق و ده‌ستدرێژییه‌كی ئاشكه‌رایه‌ بۆ سه‌ر سنوور و ئاسمانی نێوده‌وڵه‌تیی عیراق.

دیاره‌ هۆی ئه‌م بێزاییه‌ گه‌وره‌یه‌ش بۆ ئه‌و هه‌ڵوێسته‌ لاوازه‌ ده‌گه‌ڕێته‌وه‌ كه‌ عیراق دژی ئه‌م بۆردوومانه‌ نواندی، بۆیه‌ش (92.4%)ی به‌شداربووانی ئه‌م راپرسییه‌ پێیان وابوو كه‌ هه‌ڵوێستی فه‌رمیی عیراق زۆر لاواز بوو به‌رامبه‌ر بۆردوومانی ئێران و توركیا بۆ سنووره‌ نێوده‌وڵه‌تییه‌كانی عیراق، به‌ڵام ئه‌نجامه‌كانی ئه‌م راپرسییه‌ ئه‌وه‌ی ئاشكه‌را كرد كه‌ هه‌ڵوێستی فه‌رمیی كوردستان به‌م لاوازییه‌ نه‌بوو؛ به‌ڵام دیسان زۆرینه‌ی به‌شداربووانی ئه‌م راپرسییه‌ كه‌ رێژه‌یان گه‌یشته‌ (65.6%) پێیان وابوو كه‌ هه‌ڵوێستی كوردستانیش لاواز بوو به‌رامبه‌ر ئه‌م بۆردوومانه‌، ئه‌مه‌ش نیشانه‌ی ئه‌وه‌یه‌ كه‌ بیزارییه‌ك و دڵته‌نگییه‌كی جه‌ماوه‌ریی هه‌یه‌ به‌رامبه‌ر هه‌ڵوێسته‌ فه‌رمییه‌كان به‌رامبه‌ر ئه‌م بۆردوومانه‌ كه‌ ته‌نها بریتی بوونه‌ له‌ ده‌ركردنی به‌یاننامه‌ی چه‌ند ووشه‌یی و جووڵانه‌وه‌یه‌كی نێوده‌وڵه‌تی شه‌رمنه‌وه‌!!.

ئه‌م راپرسییه‌ ئه‌وه‌ی ئاشكه‌را كرد كه‌ شه‌قامی كوردستان به‌ باشی له‌ ره‌وشی ئابووری وڵاته‌كه‌ی ده‌گات و به‌ شێوه‌یه‌كی كوێرانه‌ په‌یوه‌ندی نێوان سیاسه‌ت و ئابووری دروست ناكات، بۆیه‌ش (58.7%)ی به‌شداربووانی ئه‌م راپرسییه‌ دژی بیرۆكه‌ی ده‌ركردنی كۆمپانیا ئێرانی و توركییه‌كان بوو وه‌كو كاردانه‌وه‌یه‌ك دژی بۆردوومان كردنی ئه‌م دوو وڵاته‌ بۆ سنووره‌كانی كوردستان، دیاره‌ هۆی ئه‌م هه‌ڵوێسته‌ش بۆ ئه‌وه‌ ده‌گه‌ڕێته‌وه‌ كه‌ شه‌قامی كوردستان له‌و باوه‌ڕه‌ دایه‌ كه‌ هه‌نگاوێكی له‌م چه‌شنه‌ كاریگه‌ریی نێگه‌تیڤی خۆی ده‌بیت بۆ سه‌ر ئابووریی كوردستان و له‌ هه‌مان كاتیش دا ئامانجه‌ سیاسییه‌كانی خۆی جێبه‌جێ‌ ناكات، بۆیه‌ش (62.2%)ی به‌شداربووانی ئه‌م راپرسییه‌ پێیان وابوو كه‌ ده‌ركردنی كۆمپانیا ئێرانی و توركییه‌كان له‌ كوردستان هیچ كاریگه‌رییه‌كی ئه‌وتۆی نابیت له‌سه‌ر هه‌ڵوێستی ئه‌و دوو وڵاته‌ و دیسان ناچاریشیان ناكات بۆردوومانی خۆیان بۆ سنووره‌كانی كوردستان رابگرن.

ئه‌م راپرسییه‌ ئه‌وه‌ی ئاشكه‌را كرد كه‌ شه‌قامی كوردستان به‌سه‌ر دوو هه‌ڵوێست دا به‌رامبه‌ر به‌ به‌رده‌وامبوونی ئۆپه‌ڕاسیۆنه‌كانی (PKK) و (PJK) دابه‌ش بووه‌، بۆیه‌ش (45.3%)ی به‌شداربووانی ئه‌م راپرسییه‌ پێیان وابوو كه‌ پێویسته‌ ئه‌و دوو پارته‌ كوردییه‌ ئۆپه‌ڕاسیۆنه‌ له‌شكه‌رییه‌كانی خۆیان راگرن و په‌نا بۆ گفتوگۆ و رێگه‌ دیبلۆماته‌كان و خه‌باتی ئاشتیانه‌ ببه‌ن بۆ ئه‌وه‌ی خه‌ڵكی سڤیل له‌ بۆردوومانی ئێران و توركیا بپارێزن، كه‌چی (42.4)ی به‌شداربووان پێیان وابوو كه‌ نابیت ئه‌و دوو پارته‌ بڕیارێكی له‌م چه‌شنه‌ وه‌رگرن، دیاره‌ هۆی پاڵپشتی كردنی خه‌ڵكانێك له‌ بیرۆكه‌ی به‌رده‌وامبوونی خه‌باتی چه‌كدار له‌ لایه‌ن ئه‌و دوو پارته‌وه‌ بۆ نه‌بوونی باوه‌ڕی و متمانه‌ به‌ لایه‌نی به‌رامبه‌ر ده‌گه‌ڕێته‌وه‌، بۆیه‌ش (49.7%)ی به‌شداربووانی ئه‌م راپرسییه‌ پێیان وابوو كه‌ ئێران و توركیا بۆردوومانی خۆیان بۆ سنووره‌كانی كوردستان راناگرن مه‌گه‌ر ئه‌و دوو پارته‌ چه‌كی خۆیانیش دانێن، كه‌چی (42.4%)ی به‌شداربووان پێیان وابوو كه‌ ئێران وتوركیا ئه‌و بۆردوومانه‌ راده‌گرن گه‌ر هات و ئه‌و دوو پارته‌ رێگای خه‌باتی ئاشتییان گرته‌به‌ر.

ئه‌م راپرسییه‌ ئه‌وه‌ی ئاشكه‌را كرد كه‌ شه‌قامی كوردستان چاك ده‌زانیت كه‌ زۆر جار سیاسه‌ت پێویستی به‌ گۆڕینی شێوه‌ی خه‌بات هه‌یه‌، بۆیه‌ش (46.8%)ی به‌شداربووانی ئه‌م راپرسییه‌ پێیان وابوو كه‌ ژماره‌ی لایه‌نگرانی (PKK) و (PJK) كه‌م نابێته‌وه‌ گه‌ر هات و بیریان له‌ دانانی چه‌كییان كرد و رێگای خه‌باتی ئاشتییانه‌یان گرته‌به‌ر، ئه‌مه‌ش نیشانه‌ی ئه‌وه‌یه‌ كه‌ شه‌قامی كوردستان چاك ده‌زانیت چ په‌یوه‌ندییه‌كی پته‌و له‌ نێوان ئه‌و دوو پارته‌ و بگره‌ هه‌موو پارته‌كانی كورستان و لایه‌نگرانیان دا هه‌یه‌ و ئه‌وها به‌ ئاسانی ئه‌م په‌یوه‌ندییه‌ لاواز ناكرێت به‌ هۆی بڕیاری چه‌ك دانانی هه‌ر پارتێك بۆ ماوه‌یه‌كی كاتیی و هه‌ڵبژاردنی رێگای گفتوگۆ و خه‌باتی ئاشتییانه‌، به‌ڵكو به‌پێچه‌وانه‌وه‌ مێژووی ئه‌وه‌مان بۆ دیار ده‌كات كه‌ زۆر جار رێژه‌ی جه‌ماوه‌ر بوونی هندێك پارت به‌رز بۆته‌وه‌ كاتێك بڕیاری داوه‌ رێگای گفتوگۆ و خه‌باتی ئاشتیانه‌ بگرێته‌به‌ر، ئه‌مه‌ش نیشانه‌ی ئه‌وه‌یه‌ گه‌لی كورد خاوه‌ن گیانێكی ئاشتیخوازانه‌ی به‌رزه‌ به‌ ته‌نیشت ئه‌و گیانه‌ جه‌نگاوه‌ر و خه‌باتگێركه‌ی خۆی كه‌ هه‌رگیز نمونه‌یه‌كی به‌رز و باڵا بووه‌ بۆ دلێری و قوربانی دان و خۆڕاگریی.

ئه‌م راپرسییه‌ ئه‌وه‌ی ئاشكه‌را كرد كه‌ شه‌قامی كوردستان به‌ چاوێكی زۆر گه‌وره‌ و به‌ڕێزه‌وه‌ ته‌ماشای سه‌رۆك بارزانی ده‌كات و وه‌كو سه‌ركرده‌یه‌كی نه‌ته‌وی و سومبولێكی خه‌باتگێریی ده‌خوێنیته‌وه‌ و پێی وایه‌ كه‌ ئه‌و وه‌كو كه‌سایه‌تییه‌كی خاوه‌ن ئه‌و هه‌موو جه‌ماوه‌ر و مێژوویه‌ گه‌وره‌تره‌ له‌ هه‌ر حزبێكی كوردستانی چه‌ند فراوان و خاوه‌ن لایه‌نگریش بیت، بۆیه‌ش (73.3%)ێ‌ به‌شداربووانی ئه‌م راپرسییه‌ پێیان وابوو سه‌رۆك بارزانی ده‌توانیت رۆڵێكی كاریگه‌ر بگێریت له‌ بواری كردنه‌وه‌ی ده‌رگای گفتوگۆ نێوان لایه‌نه‌ ناكۆكه‌كان دا له‌ پێناوی پاراستنی هه‌موو كه‌س و لایه‌نێك له‌ مه‌ینه‌ته‌كانی جه‌نگ و بۆردوومان."

 

www.pointnumber.com

(( هه‌واڵ ))

له‌ چاوه‌ی کامێڕاوه